eine liebe Freundin hat mir diesen Text geschickt und ich fand ihn so wunderschön - so wünsche ich euch schöne Weihnachtstage und alles Gute fürs neue Jahr - heb Sorg

Heb Sorg!

Heb Sorg zu jedem Jahr, wo chunnd

Es lauft villicht nid alles rund

Es chönnt ja sii, mängs liit dr quer

Und lache fallt dr öppe schwer.

Heb Sorg!

Heb Sorg zu jedem liebe Mänsch,

wo dich guet kännt, wo du guet kännsch.

Wo dich eso, wied bisch, vertreit,

und was er tänkt, au ehrlich seit.

Heb Sorg!

Heb Sorg zu jedem gseite Wort.

Bhalts ehner zrugg. Bruuchs nüd sofort.

Hau gschiider, nu wännt sicher bisch,

so richtig zünftig uf de Tisch.

Heb Sorg!

Heb Sorg hingäge, das wär guet,

trotz allem zume bitzli Muet.

Pack e Idee, chum häsch si ghaa,

au ohni Goldwaag eifach a.

Heb Sorg!

Heb Sorg zu jedem Tag im Jahr

Tänk nüd an Herbscht im Februar

Freu di, wänn Freud chasch wiitergäh.

Lass dir au eigni Träum nid näh.

Heb Sorg!

(Max Rüeger, ehemaliger Radiokommentator,

aus dem Bändchen mit den schönsten Versen und

Chansontexten des «Alltagspoeten», erschienen im

Altberg Verlag, 8805 Richterswil)